Si kulit!

Bago pa lang labas ang mga cellphone noon may caller na ako, wala pa kong unit at tanda ko pa malaking selpon ang gamit ni Kulit noon. Tinatawagan niya ako sa landline at matagal din bago niya mapansin na ang haba na pala ng nakukunsumo niyang oras sa paguusap namin, hahaha! Sosyal ang lolo mo pero wag ka kasi sa daddy niya naman yung mobile na yun. 😆

Hindi ko alam bakit naging malapit kami ni Kulit, siguro kasi makulit din ako? Hmmm, di siguro! Dahil magaling din akong maglaro ng basketball? Hmm, lalong hindi! Ahh, kasi magkasing tangkad kami at pareho kami ng mga hilig… Ngeks malabo, tsk! Hindi pa din! Oh, baka kasi friendly daw ako at laging naka smile kahit na may mga time na badtrip sa school, ah ewan hula ko lang itong huli! 🙂

Gusto ko barkada nila kasi kwela, athletic at friendly. Kaya naman naging kasundo din ng barkada namin noon. Madalas kaming tambay sa park before or after ng class, kwentuhan, kulitan at asaran. Kapag may game ang BSCS nun lagi kaming nasa gym at syempre pa para panoorin ko din si Kulit. Naging madalas ang usap namin noon sa phone, kaya naging malapit ako sa kanya kahit na kapag na sa classroom na eh hindi naman sya ganun kadaldal sa akin. Buti na lang alam kong may gf siya noon kaya napigilan kong huwag mahulog sa kanya, kung hindi baka nakasira or nakagulo pa ako ng relasyon na gawa ni kupido.

After graduation bihira na din kaming magkausap at ilang beses ko na lang siyang nakita, hanggang sa mawalan na talaga ng communication. Recently lang, dahil kay yahoo messenger nagkausap kami ulit hehe! Dami naming napagkwentuhan, buhay namin ngayon at yung noon. Syempre naungkat yung special relationship namin noon at kahit na matagal ng panahon eh may kilig pa din pala kapag binalikan yun.

Makulit pa din si Kulit at hanggang ngayon napapa smile niya pa din ako sa mga banat niya. Sa tingin ko walang nagbago sa kanya, maliban na lang sa cellphone na gamit niya ngayon, lolz! Hindi man kami naging magkarelasyon noon, masaya pa din ako na naging malapit kami sa isa’t-isa at sapat ng malaman ko na naging crush ako ni Kulit at ganun din ako sa kanya.

Ikaw po ba, may ganyan ka din bang kakaibang kuwento noon? 😉