Sino si Misyel?

Panganay sa tatlong anak ng Papsy at Mamsy niya. Lumaki sa Malibay Pasay ngunit sa kasamaang banda nasunog ang baler kaya napadpad sa Makati, dun na nagdalaga hanggang makagradweyt ng Kolehiyo sa EAC, Manila. Madaming kaibigan at mahilig gumimik, magbarhopping sa Malate, tumambay sa G4 at makipagsleepover sa berks. Nang magsawa na sa kakagala, napag-isipang mag-ibang bansa para sa future. Since may mga kamag-anak sa Canada madaling napadpad sa nagni-niyebeng bansa. Masaya, malamig, malungkot ang buhay simula ng napunta sa Toronto. Masaya dahil madami ding kaibigan, kamag-anak at may potensiyal na magkalaman ang wallet 🙂 … Malamig kasi obvious naman ang klima sa lugar na ito at walang kabiyak ni boypren man na mayayakap ng personal. Malungkot kasi sobrang miss na ang mahal na pamilya at iba pa rin kapag ikaw ay nasa sarili mong bansa.

Isang araw sa sobrang kalungkutan naisipan gumawa ni Misyel ng blog, una dito, sumunod sa friendster at pang-huli nga eh dito sa wordpress. Dahil sa mahilig magkompyuter naging libangan na din ang magblog at magbasa ng mga kwento ng iba. Masarap na malaman ang iba’t-ibang kwento ng buhay, karanasan at kaalaman ng mga blagista.

Kaya eto hanggang ngayon patuloy pa din na makikisilip si ako sa inyong mga bahay sa net at gagawa ng mga entry kapag nasa tamang kaisipan, hehehe…